Translation of "astuflin" into Arabic

Türkçe havuçdur. Cimâ‘ı ziyâde eyler. Ve sidüğü yürüdür. Ve hayız kanın yürüdür. Ve bir dürlüsü dahi olur. Yaprağı şahterec yaprağına benzer. Sular kenârında biter. Kaçan tohumundan içseler sidüğü yürüdür. Ve ağulu canavarlar sokduğuna fâide ider. Eğer avretler içse ya şâf bigi götürse hayız kanın yürüde. Ve karında ölmüş oğlanı çıkara. Eğer yaprağını döğseler balla karışdırsalar şol et biten çıbanlara ursalar fâide ide. Evet sinire ve göğse ve boğaza ziyân eyler. Eğer çiğle yise mi‘deye ziyân ider ve yüreği ağrıdır. Ve tohumunun bir dirhemine bir dirhem şeker katub içseler incükler ağrısına fâide ide. Ve avretler içseler yüklü ola. Ve ol su kenârında biten havucu evde asakosalar haşarâtdan ne varsa gide. Eğer havucun yaprağını kendüyle bile bişürseler suyuyla oğlancıkların ellerin yusalar, sovukdan kancuğazları donduğun gidere. Neffâhdır. Geç hazm olur. Evet zekeri kıvâma getürür. Eğer yimek dileseler evvel bişüreler ıssı otlar saçalar. Sidüğü yürüde. Ve bögreği kızdıra. Ve mi‘deyi kavî ide. Ve galîz balgamları gidere. Ve ciğerin süddelerin aça. Ve ta‘âm hazm ve oğlak etiyle ve sirkeyle ve tuzla yiseler mi‘deye ve ciğere ve dalağa fâide ider. Ve balla mürebbâ itseler yiseler cimâ‘a begâyet kuvvet vire. Ve mi‘deye fâide ide. Ve rahimi arıda. Ve galîz yelleri çıkara. Gönüle ta‘âm istede. Ve ta‘âmdan önden ve hem sonra yiyeler. Tohumunun bedeli enîsûndur.

(Yunanca) Türkçe havuçdur. Cimâ‘ı ziyâde eyler. Ve sidüğü yürüdür. Ve hayız kanın yürüdür. Ve bir dürlüsü dahi olur. Yaprağı şahterec yaprağına benzer. Sular kenârında biter. Kaçan tohumundan içseler sidüğü yürüdür. Ve ağulu canavarlar sokduğuna fâide ider. Eğer avretler içse ya şâf bigi götürse hayız kanın yürüde. Ve karında ölmüş oğlanı çıkara. Eğer yaprağını döğseler balla karışdırsalar şol et biten çıbanlara ursalar fâide ide. Evet sinire ve göğse ve boğaza ziyân eyler. Eğer çiğle yise mi‘deye ziyân ider ve yüreği ağrıdır. Ve tohumunun bir dirhemine bir dirhem şeker katub içseler incükler ağrısına fâide ide. Ve avretler içseler yüklü ola. Ve ol su kenârında biten havucu evde asakosalar haşarâtdan ne varsa gide. Eğer havucun yaprağını kendüyle bile bişürseler suyuyla oğlancıkların ellerin yusalar, sovukdan kancuğazları donduğun gidere. Neffâhdır. Geç hazm olur. Evet zekeri kıvâma getürür. Eğer yimek dileseler evvel bişüreler ıssı otlar saçalar. Sidüğü yürüde. Ve bögreği kızdıra. Ve mi‘deyi kavî ide. Ve galîz balgamları gidere. Ve ciğerin süddelerin aça.