Translation of "enisun" into Arabic

Meşhûrdur. Sidüğü yürüdür. Ve yelleri dağıdır. Ve ağrıları açar. Ve istiskâya fâide ider. Ve ishâli kat‘ ider. Artuk hıltları giderir. Ve rahimden akan yaşları keser. Ve sidüğü yürüdür. Ve iştihâ-yı cimâ‘ getürür. Dalak ve süddeleri açar. Ve mi‘deyi kavî ider. Ve karında olan kurtları öldürür. Ve ağular zararın def‘ ider. Eğer iki dirhemin içseler ve eğer buhûr itseler nüzleye fâide ide. Ve baş ağrısına ve çigzinmesine ki sovukdan ola, eğer sahk itseler gül yağına karışdırsalar kulağa tamzursalar kulakda olan zahmetlere fâide ide. Eğer yumuşak döğseler diş diblerine kosalar ağız kokusun gidere. Ve diş ağrılarına fâide ide. Ciğer ve kavuk ve bögrek ve rahim süddelerin açar, fâide ider. Ve eski ısıtmalara fâide ider. Ve balgamı susuzluğu keser. Terkîb budur ki, on dirhem enîsûn giceden erteye dek suda ısladalar sabâh suyun süzeler. Yüz yiğirmi dirhem şekerle kıvâma getüreler. Evet beş dirhem dahi buyan katalar be-gâyet eyü ola.