Translation of "zencar" into Arabic

Kalem jengârdır. Amelîsi dahi olur. Terkîbi budur ki, bir pâre bakırı bir pâre bakıra dahi sürseler şol kadar sürseler ki koyula. Andan sirkenin yiğirmi dört dirhemine ya kırk altı dirhemine dört dirhem şâb ve dört dirhem yalama tuz koysalar yaz ıssısında güneşe karşu sahk idüb kurudalar, ta kim rengi jengâr gibi ola. Bir dürlü dahi budur kim, bakır burudesin [bürâdesin] alub her gün üzerine dört kere sirke koyub çalkayalar. Şol kadar ki jengâr gibi ola. Ve bir dürlüsü dahi budur kim, elli dirhem sirkeye yüz dirhem eski sidük katalar. Dört dirhem şâb dört dirhem yalama tuzu katalar. Bir renk ezecek mermer üzerine bakırları ezeler. Eğer ol renk dahi bakırdan olsa be-gâyet hûb ola. Eğer jengârı kahl itseler gözde çıbandan olan eseri gidere. Ve yaşların kese. Eğer zeytle ve mumla karışdırsalar yaramaz çıbanlara dürtseler bitüre.