Translation of "bakar" into Arabic

Türkçe Sığırdır. Eti galîz kan hâsıl eyler. İş işleyene eyüdür. Eğer oturur kişi yise ki sevdâvî kişilerdir seratân ve cüzzâm ve rub‘ ısıtmasın ve dürlü dürlü teşvîşler ve istiskâ zahmetin getüre. Ve dalağın büyüde. Ve ıssı mizaclu kişiler muharrâ bişdikden sonra sirke ve bal ve sarımsak ve baganos katub yiseler üzerine şarâb içeler fâide ide. Ve eğer etini kişnîcle ve sirkeyle ve azcuk za‘ferânla tertîb idüb yiseler mi‘deye ve bağırsaklara madde inmesin def‘ eyleye. Ve safrâ ishâlini kat‘ eyleye. Ve arık sığır etini bişürseler kebâb vechile ve suyunu kulağa tamzursalar kulakda olan kurdu öldüre çıkara. Eğer od yanuğuna ursalar fâide ide. Eğer sığır boynuzunun bürâdesini içseler burun kanın ve ishâlin kese. Eğer boynuzu göyündürseler suyla içseler kan tükürmeyi gidere. Eğer kabuğunu ve toynağını göyündürseler süciyle sahk itseler diş ağrısına ursalar fâide ide